السلام عليكم ورحمة الله تعالى وبركاته أهلا بكم متابعي وأصدقاء
الخبير عامر بشير ، مرحبا بك
أخي / أختي القاريء (ة) في
موضوع تقني جديد لهذا اليوم، نتمنى لكم
الاستفادة ومتابعة ممتعة
للجميع.
الربح من اليوتيوب
أسهل وسيلة للربح من اليوتيوب هو وجود فيديو فى الصفحة الأولى فى جوجل تقدر تحول مشاهداته لأرباح عن طريق يوتيوب بارتنر أو عن طريق الأفيلييت وأحيانا تقدر تحول المشاهدات لخطوات فعلية يتم تنفيذها من المشاهدين CPA
دراسة حالة رقم 1 ( يوتيوب )
فيديو للصفحة الأولى فى 96 ساعة فقط
لو مهتم انك تعرف كيفية الصعود بفيديو للصفحة الأولى فى اليوتيوب أى كانت صعوبة منافسته يبقى انت هتشاركنى إهتماماتى , أنا أيضاً لم أكن أعير إهتماماً بالغاً بتصدر الصفحات الأولى فى جوجل عن طريق فيديو من اليوتيوب , بالرغم من معرفتى المسبقة أنه أسهل بكثير من سيو المحتوى النصى ( المواقع )
بغض النظر عن المقارنة اللى هتحتاج تدوينة لوحدها ما بين سيو اليوتيوب وسيو المواقع , لازم أقر أن سيو اليوتيوب أسهل , أسرع , نتائجة ممتازة بالنسبة للمجهود المبذول فيه , وعشان كده قررت أعمل دراسة حالة لجلب فيديو من العدم للصفحة الأولى فى جوجل فى خلال 96 ساعة - 4 أيام فقط فى كلمة مفتاحية صعبة المنافسة .
كلمة : مشاهدة افلام اون لاين هى كلمة صعوبتها ( Difficult ) فى برنامج Traffic travis وده يبان بوضوح من المواقع اللى بتنافس عليها , مواقع قديمة , صاحبة دومين أوثورتى عالى + هوم بيدج أوثورتى عالى + عامل الـ Relevancy
زى ما عودتكم فى الخبير عامر بشير , إحنا دايماً بنقدم وبنشرح إستراتيجيات وتقنيات فعالة للغاي ومجربة , وده اللى بياخد وقت مننا شوية , لأنى بسعى دايماً إنى اجرب أى إستراتيجية أو طريقة بنفسى قبل طرحها ليكم عشان أبقى متأكد 100% من فعاليتها
هكشفلكم دلوقتى الخطوات اللى اعتمدت عليها
عشان أقدر أوصل للصفحة الأولى فى خلال 96 ساعة فقط .- إختيار كلمة مفتاحية صعبة فى جوجل ضعيفة فى اليوتيوب
- تصميم فيديو بمحتوى جديد غير منقول
- تحسين داخلى ممتاز للفيديو
- مشاهدات حقيقية للفيديو
- تضمين + باك لينكس High Authority
- سوشيال سيجنالز ( متعلقة بمحتوى الفيديو )
وعشان تحافظ على مركزك فى الصفحة الأولى محتاج يبقى عندك Views velocity متدرج للأعلى بشكل منتظم زى مانتوا شايفين فى الصورة اللى فوق دى , وده احنا نقدر نتحكم فيه لو الأمور مش ماشية كويس بالنسبة للمشاهدات , ولكن طبيعى ان اول ما الفيديو يطلع للصفحة الأولى يبتدى معدل المشاهدات يرتفع بشكل متدرج ومنتظمتاني حاجة لازم يبقى عدد اللايكس للفيديو أكثر من عدد الديس لايكس , و كل ما عدد المشاركات أو الـ Shares كان أكثر كل ماكان الفيديو سوشيال بشكل أكبر , وهنا بتأتى دور السوشيال سيجنالز اللى قولنا عليها , أخر حاجة السبسكرايبس اللى بتيجى من الفيديو ده , نقطة مهمة جداً فى تقييم أهمية الفيديو , كل ما عدد السبسكرايبرز كثروا من فيديو واحد كل ما كان له أهمية أكبر بالنسبة اليوتيوب وجوجل .
1 - إختيار كلمة مفتاحية صعبة فى جوجل وسهلة فى اليوتيوب
بمعنى ان كلمة مشاهدة افلام اون لاين , مفيش فيديوهات كثيرة فى اليوتيوب بتستهدف الكلمة دى بالتحديد فى عنوانها الرئيسى , لو العدد أقل من 5 فيديوهات بيستهدفوا الكلمة دى تحديداً , يبقى الكلمة دى سهلة فى اليوتيوب , وده أول عامل لازم نحققه , طبعاً أنا بفضل انك تتعامل مع الكلمات الـ Long tail يعنى مشاهدة افلام اون لاين , كلمة عدد عمليات البحث الخاصة بيها 110 الف شهرياً وفى نفس الوقت هى كلمة مطولة ومكونة من 3 كلمات , مش زى كلمة افلام مثلاً , ودى نقطة مهمة لازم تاخد بالك منها . ولما نقول صعبة فى جوجل يعنى كلمة عليها منافسة من مواقع كثيرة ولكن فى نفس الوقت نحاول نشوف كلمة مفيش فيديو متعلق بيها موجود فى الصفحة الأولى فى جوجل
2 - تصميم فيديو بمحتوى جديد غير منقول
لازم فى عملية تصميم او اخراج للفيديو , يبقى كل الصور صور حصرية مش منقولة من فيديو تانى , لو فى موسيقى متبقاش موسيقى منقولة من فيديو تانى أنصحك تختار الموسيقى اللى انت عايزها من Audio library , الموسيقى بتبقى مجانية ومتاحة للإستخدام فى الفيديوهات المحسنة للربح , أما بالنسبة لبرامج إخراج الفيديوهات أنا بنصح بإستخدام برنامج PowerDirector 10 أو اى نسخة إخرى من البرنامج , إعمل بحث عن البرنامج وهتلاقى روابط تحميل لنسخ كاملة من البرنامج , وإستخدامه بسيط جداً , لكن لو واجهتك أى مشكلة تقدر تبحث عن شروحات خاصه على اليوتيوب .
3 - تحسين داخلى ممتاز للفيديو On-video SEO
التحسين الداخلى للفيديو على اليوتيوب هو عامل بياخد أكثر من 50% من رحلة صعود الفيديو للصفحة الأولى فى جوجل , لازم تختار العنوان بعناية , لازم تختار الوصف بعناية أكبر , ولازم تختار Tags متعلقة بمحتوى الفيديو وعنوانة بشكل كبير .
300 كلمة فى وصف الفيديو كحد أقصى يتضمنهم كلمتك المفتاحية
تضمين الكلمات المفتاحية المتعلقة بكلمتك المفتاحية الرئيسية
فى شكل عمليات بحث متعلقة مثل الصورة التى فى الأعلى
إختيار تاجز بنفس عمليات البحث المتعلقة المدرجة ما بين الأقواس [ هذه ]
أخيراً رفع صورة Thumbnails , ويجب أن يكون إسم الصورة بإسم عنوان الفيديو رقم 1 , رقم 2 يجب أن يكون الفيديو نفسه مسمى بعنوان الكلمة المفتاحية المستهدفة , مثال : مشاهدة افلام اون لاين.avi
4 - مشاهدات حقيقية للفيديو
أهم نقطة لصعود سريع للفيديو الخاص بك فى جوجل , هو الحصول على عدد لا يقل عن 1000 مشاهدة فى خلال اول 24 ساعة , ولكن يجب أن تكون الـ 1000 مشاهدة من أجهزة مختلفة , أى بى أددريس مختلف , ولمدة لا تقل عن 30 ثانية , حتى يحتسب اليوتيوب المشاهدة كاملة , أبرز المواقع للحصول على 1000 مشاهدة بـ 1 دولار فقط ويمكنك الحصول على Credits مجاناً عن طريق دعوة أصدقائك أو اللعب أون لاين , هو موقع Vagex الذى وقت كتابة هذه التدوينة قد أغلق أبواب الإنضمام إليه , قم بالتحقق مجدداً , ولكن يوجد العديد من المواقع الأخرى التى تقدم نفس الخدمة بشكل أو بأخر يمكنكم إستخدامها إذا إستمر Vagex فى غلق التسجيل لفترة كبيرة .
موقع : Vingler
موقع : Tubeexposure
ولكن قبل البدئ فى جلب هذا العدد من المشاهدات على مدار الـ 24 ساعة أنصحك بإستخدام متصفح Opera وقم بفتح صفحة الفيديو ثم إضغط Right click ثم إختار Reload every ثم إختر 30 ثانية , وإتركه لمدة ربع ساعة , ثم إغلقه , هكذا ستتحصل على الـ 301+ مشاهدة التى لا يدقق فيها اليوتيوب بأى حال من الأحوال وينتظر ما يليها من مشاهدات والتى ستجلبها من أحد المواقع المذكورة فى الأعلى5 - تضمين + باك لينكس + PageRank
نقطة مهمة جداً أيضاً , وهى الباك لينكس الـ Off-Page SEO وعشان تتم العملية دى صح محتاج 3 حاجات , محتاج تضمين للفيديو فى محتوى نصى بيدور حول الفيديو ده , وده بيتم من خلال مدونة جديدة على بلوجر أو وورد بريس , فيها موضوع واحد فيه محتوى نصى حصرى غير منقول وبتعمل تضمين للفيديو , داخل المحتوى ده , وبعد كده بتعمل بينج للموضوع ده عن طريق موقع MASS-PING ثم ثانياً يفضل ان تكون المدونات دى صاحبة أوثورتى عالى ودى طريقة معقدة شوية تم شرحها بالتفصيل فى كورس ماستر سيو , بعد كده هتحتاج تضمن الفيديو داخل بروفايل موقع web 2.0 وأنا بنصح بموقع Facemlm من خلاله هتقوم بتضمين الفيديو + وصف قصير ليه داخل البروفايل الخاص بك كتعريف خاص بك فى قسم about me
وأنصحك لو عندك مدونة مختصة بمجال الفيديو بتاعك تقوم بعمل تضمين للفيديو فى السايد بار لمدة 48 ساعة , وده هيفيدك بشكل كبير لان اليوتيوب بيعرف فى اى مكان الفيديو اتعمله تضمين , داخل تدوينة أو فى الصفحة الرئيسية , ولو فى الصفحة الرئيسية بيتأكد انه فيديو High value وله اهمية كبيرة بالنسبة للمستخدمين , فا بيقوم بدفعه للأمام أكثر فأكثر .
6 - سوشيال سيجنالز متعلقة بمحتوى الفيديو
أخر نقطة واللى ذكرتها فوق بشكل مختصر هى عملية الـ Shares واللى بتيجى من خلال تقوية السوشيال سيجنالز الواردة للفيديو عن طريق نشره فى صفحات فيس بوك , جوجل بلس , هاش تاجس تويتر , ستامبل أبون متعلقة بمحتوى الفيديو الرئيسى وده بيتم عن طريق بعض السيرش كويريس المحددة اللى هكتبها هنا فى التدوينة دى , ولكن لازم تعرف لان اليوتيوب هو موقع بيعتمد فى الأساس على مدى جودة الفيديو ومدى تفاعل الزائر معاه من حيث مدة المشاهدة , اللايكس , السبسكرابيبس , الفيفوريتس و الشير , بيبقى للسوشيال سجنالز اللى هى المفروض بتأتى من أشخاص عاديون مثل من يستخدمون اليوتيوب أن يكون لها أهمية كبيرة , لذلك لا تهمل هذه الخطوة .
للبحث عن المواقع التى تتيح التعليق عن طريق صندوق تعليقات الفيس بوك
سنقوم بكتابة هذا السترينج داخل محرك البحث جوجل مع تغيير كلمة Keyword بالكلمة المفتاحية المتعلقة بالفيديو الخاص بك
"Facebook Social Plugin" "Keyword"
سوف تجد صفحات مواقع كثيرة تختص بمجال الفيديو الذى تستهدفه تتيح التعليقات عن طريق الفيس بوك , قم بتضمين رابط الفيديو الخاص بك مع تعليق مختلف فى كل صفحة حتى لا يتم الربط بين الفيديو وبين التعليقات على انها سبام , يكفى 10 تعليقات فى اليوم على هذه الموقع كحد أقصى .
أما بالنسبة لجوجل بلس فسوف تستخدم هذا السترينج مع إستبدال كلمة Keyword بالكلمة المتعلقة بالفيديو الخاص بك .
"Site:plus.google.com "Keyword
ستجد صفحات جوجل بلس كثيرة , يمكنك التعليق في مشاركتها مضمناً رابط الفيديو الخاص بك , مع الأخذ فى الإعتبار أن تحاول بقدر الإمكان جعل تعليقاتك قريبة لموضوع البوست , حتى لا يتم حذفها , يكفى أيضاً 10 تعليقات على صفحات جوجل بلس فى اليوم .
شكراً لكم
دراسة الحالة هذه تأتيكم من الخبير عامر بشير
